Бидний тухай – cabinet.gov.mn

Даргын мэндчилгээ

Өргөн уудам нутагтай, Өндөр их түүхтэй Монгол Улсын эрхэм иргэн таны амар амгаланг айлтгая.

Монгол Улсын Засгийн газрын гаргаж буй аливаа шийдвэр, бүхий л хэрэгжүүлж буй үйл ажиллагаа гагцхүү үндэсний язгуур ашиг сонирхолд нийцэж, хүний эрх, эрх чөлөө, хууль дээдлэх зарчим, парламентын засаглалыг баталгаажуулж, улмаар олон улсын тавцанд өрсөлдөхүйц нийгэм, эдийн засгийн хөгжил бүхий улс орныг цогцлоон байгуулахад чиглэх учиртай нь дамжиггүй.

Мөн Засгийн газрын хэрэгжүүлж буй бодлого, үйл ажиллагааны үр дүнг шинжлэх ухаанчаар үнэлж, дүгнэн ололт, амжилтыг бататгах, төрийн бодлогын залгамж чанарыг алдагдуулалгүйгээр үр ашиг багатай, өртөг зардал ихтэй, цагаа олоогүй үйл ажиллагааг хойш тавих, шаардлагатай бол зогсоох хэрэгтэй нь зайлшгүй юм.

Иймд Монгол Улсын Засгийн газар улс орныхоо нийгэм, эдийн засгийн нөхцөл байдалд үнэлэлт, дүгнэлт хийж, нэн тэргүүнд хэрэгжүүлэх шаардлагатай төсөл, хөтөлбөрүүдийг тодорхойлсон “Шинэ сэргэлтийн бодлого”-ыг Улсын Их Хурлаар 2021 онд батлуулан хэрэгжүүлж байгаа билээ.

Тус бодлогын томоохон зорилтуудын нэг бол орчин цагийн эрх чөлөөт иргэдийн хэрэгцээ, шаардлагад нийцсэн, аливаа дарамт шахалт үзүүлдэггүй, чадварлаг, оновчтой бүтэц бүхий төрийн албыг хөгжүүлэх юм. Үүний тулд төрийн албаны нэр хүндийг удаан хугацаанд унагааж байгаа авлига, ашиг сонирхлын зөрчлийн үндэс суурь болох алдаатай сонгон шалгаруулалт, нүдээ олоогүй томилгоо, хангалтгүй цалин хангамжийн асуудлыг урт хугацаанд шийдвэрлэх хууль, эрх зүйн болон бодлогын орчныг боловсронгуй болгох нь Засгийн газрын Хэрэг эрхлэх газрын нэн тэргүүний зорилт байх болно.

Түүнчлэн бүсчилсэн хөгжлийн бодлогын хэрэгжилтийг эрчимжүүлэх хүрээнд орон нутгийн хамтын ажиллагааг сайжруулах, засаг захиргааны нэгжүүдийн уялдаа холбоог нэмэгдүүлэх, улмаар эдийн засгийн үйл ажиллагааг төрөлжүүлэн ажлын байрыг нэмэгдүүлж иргэд амьдрахад ээлтэй, тав тухтай төв, суурин газруудыг хөгжүүлэх нь Монгол Улсын урт хугацааны бодлогын нэг чиглэл мөн.

Иймд шаардлагатай өөрчлөлт, шинэчлэлтийг цаг алдалгүй эхлүүлж, иргэнээ түшиж, дэмждэг, өндөр бүтээмжтэй төрийг бий болгохын төлөө үлэмж санаачилгатай ажиллахаа илэрхийлэхийн зэрэгцээ иргэний нийгэм болон улс төрийн байгууллага, хувийн хэвшил, хувь иргэд та бүхнийг Засгийн газар, төрийн албаны үйл ажиллагаанд тогтмол хяналт тавьж, санал шүүмжлэлээ тухай бүр өгч байхыг урьж байна.

МОНГОЛ УЛСЫН САЙД,
ЗАСГИЙН ГАЗРЫН ХЭРЭГ ЭРХЛЭХ ГАЗРЫН ДАРГА

БАТТӨМӨРИЙН ЭНХБАЯР

Зорилго, зорилт

2.1.
Үйл ажиллагааны стратегийн мөн чанар 2.2.
Үйл ажиллагааны тэргүүлэх чиглэл 2.3.
Үйл ажиллагааны эрхэм зорилго 2.4.
Үйл ажиллагааны стратегийн зорилт 2.5.
Үйл ажиллагааны гол зорилт 2.6.
Үйл ажиллагааны зорилт 2.6.
Үйл ажиллагааны зорилт

2.1. Үйл ажиллагааны стратегийн мөн чанар

Хэрэг эрхлэх газрын үйл ажиллагааны стратегийн мөн чанар нь хууль тогтоомжийн хэрэгжилтийг хангах, Ерөнхий сайд, Хэрэг эрхлэх газрын даргын эрхлэх асуудлын хүрээний бодлогыг төлөвлөх, боловсруулах, дүн шинжилгээ хийх, үнэлгээ өгөх, яам, агентлагийн болон аймаг, нийслэлийн Засаг даргын үйл ажиллагааг шуурхай зохицуулах чиг үүргийг хэрэгжүүлэхэд мэргэжлийн, цаг үеэ олсон, шуурхай зөвлөгөө, дэмжлэг үзүүлэхэд чиглэгдэнэ.

Эх сурвалжийн дэлгэрэнгүй мэдээлэл: Засгийн газрын 2026 оны 04 дүгээр сарын 22-ны өдрийн 153 дугаар тогтоол

Захиргаа, зохион байгуулалтын газрын дарга П.Баттөр, 271 тоот өрөө 262291

Цахим шуудан: info@cabinet.gov.mn.

2.2. Үйл ажиллагааны тэргүүлэх чиглэл

Хэрэг эрхлэх газар нь үйл ажиллагааны дор дурдсан тэргүүлэх чиглэлтэй ажиллана:

2.2.1.Засгийн газрын дотоод, гадаад бодлогыг тодорхойлох, хэрэгжүүлэх үйл ажиллагааны чиглэлээр Засгийн газрын танхимд зөвлөгөө, дэмжлэг үзүүлэх;

2.2.2.Засгийн газрын үйл ажиллагааны хөтөлбөр, тэргүүлэх чиглэл, зорилт, чиг үүргийг хэрэгжүүлэх, бодлого, шийдвэрийг боловсруулан гаргахад Ерөнхий сайд, танхимын үйл ажиллагаанд зөвлөгөө, дэмжлэг үзүүлэн Засгийн газрын хуралдаанаас гарсан шийдвэрийн биелэлтийг зохион байгуулах;

2.2.3.Хэрэг эрхлэх газрын даргын эрхлэх асуудлын хүрээний Засгийн газрын шийдвэрийн биелэлт, Засгийн газрын дотоод мэдээлэл, Засгийн газраас Ерөнхийлөгч, Улсын Их Хуралтай харилцах асуудал, төрийн албаны хүний нөөцийн удирдлагыг хэрэгжүүлэх, төрийн албаны хүний нөөцийн бодлого, чиглэл боловсруулах, төрийн албан хаагчийг сургах, мэргэшүүлэх, арга зүйн зөвлөгөө, дэмжлэг, туслалцаа үзүүлэх;

2.2.4.Засгийн газрын үйл ажиллагааны хөтөлбөр, тэргүүлэх чиглэлийг хэрэгжүүлэхэд төрийн захиргааны төв байгууллага, Засгийн газрын агентлаг, нутгийн захиргааны байгууллагын үйл ажиллагааг чиглүүлж, удирдамжаар хангах, зохицуулах;

2.2.5.төрийн захиргааны төв, нутгийн захиргааны байгууллагын үйл ажиллагааг Засгийн газрын бодлого, нийтлэг зорилтод чиглүүлэн зохицуулах, орон нутгийн хөгжлийн нэгдсэн бодлого, орон нутгийн засаг захиргааны зохион байгуулалт, Засаг даргын үйл ажиллагааг удирдлага, зохицуулалтаар хангах, иргэдийн Төлөөлөгчдийн Хуралд мэргэжил, арга зүйн туслалцаа үзүүлэх, аймаг, нийслэлийн Засаг даргын бүрэн эрхээ хэрэгжүүлж байгаа байдалд хяналт шалгалт хийж, тэдгээрийн үйл ажиллагааг нэгдсэн зохицуулалтаар хангах;

2.2.6.Засгийн газрын үйл ажиллагааг цахим хэлбэрээр хөгжүүлэх нөхцөлийг бүрдүүлэх замаар төрийн байгууллагуудын үйл ажиллагааны уялдааг сайжруулах, мэдээллийн урсгалыг түргэтгэх, Засгийн газар-хувийн хэвшил, Засгийн газар-иргэний нийгмийн түншлэлийг хөгжүүлэх;

2.2.7.Хэрэг эрхлэх газар, түүний харьяа байгууллагуудын нийтлэг үйлчилгээний бодлогыг боловсруулж батлуулах, үйл ажиллагаанд нь зөвлөгөө, дэмжлэг үзүүлэх, удирдлага, зохицуулалтаар хангах.

Эх сурвалжийн дэлгэрэнгүй мэдээлэл: Засгийн газрын 2026 оны 04 дүгээр сарын 22-ны өдрийн 153 дугаар тогтоол

Захиргаа, зохион байгуулалтын газрын дарга П.Баттөр, 271 тоот өрөө 262291

Цахим шуудан: info@cabinet.gov.mn.

2.3. Үйл ажиллагааны эрхэм зорилго

Хэрэг эрхлэх газрын эрхэм зорилго нь мэргэжлийн, өндөр түвшний, цаг үеэ олсон зөвлөгөө, дэмжлэгээр Ерөнхий сайд, танхимыг шуурхай хангах, Засгийн газрын тасралтгүй, хэвийн, үр ашигтай ажиллагааны зохистой орчныг бүрдүүлэхэд оршино.

Эх сурвалжийн дэлгэрэнгүй мэдээлэл: Засгийн газрын 2026 оны 04 дүгээр сарын 22-ны өдрийн 153 дугаар тогтоол, Захиргаа, зохион байгуулалтын газрын дарга П.Баттөр, 271 тоот өрөө 262291

Цахим шуудан: info@cabinet.gov.mn.

2.4. Үйл ажиллагааны стратегийн зорилт

Хэрэг эрхлэх газар нь эрхэм зорилгынхоо хүрээнд доор дурдсан үйл ажиллагааны стратегийн зорилтыг хэрэгжүүлнэ:

2.4.1.Засгийн газрын бодлогын хувилбар, шийдвэрийн төслийг хянан боловсруулах, хуралдаанаар хэлэлцэх асуудлыг бэлтгэх, яам, Засгийн газрын агентлагийн үйл ажиллагааг уялдуулан зохицуулах, эдгээр асуудлаар цаг үеэ олсон, шуурхай зөвлөгөө, дэмжлэг үзүүлэх;

2.4.2.хууль тогтоомжийн төсөл боловсруулах, хуулиудын давхардал, хийдэл, зөрчлийг арилгах ажлын хүрээнд шийдвэрийн төсөл боловсруулах, танхимын хуралдаанаас гарах шийдвэрийн эрх зүйн үндэслэлийг хянах, агуулгыг найруулах, төрийн болон албаны нууц, архив, албан хэрэг хөтлөлтийн ажлыг эрхлэн гүйцэтгэх, төрийн байгууллага, албан тушаалтанд тамга хийлгэх зөвшөөрөл олгох ажлыг хариуцах, нийтийн албанд нийтийн болон хувийн ашиг сонирхлыг зохицуулах, авлига, ашиг сонирхлын зөрчлөөс урьдчилан сэргийлэх тухай хууль тогтоомжийг хэрэгжүүлэх үйл ажиллагааг зохион байгуулах, эдгээр асуудлаар удирдлагыг зөвлөгөө, арга зүй, мэдээлэл, лавлагаагаар хангах;

2.4.3.Ерөнхий сайд, танхим, бүх шатны Хурал, Засаг даргыг орон нутгийн хөгжлийн нэгдсэн бодлого, нутгийн удирдлагын чиглэлээр мэргэжлийн, цаг үеэ олсон зөвлөгөө, дэмжлэгээр шуурхай хангах, иргэдийн Төлөөлөгчдийн Хуралд мэргэжил, арга зүйн туслалцаа үзүүлэх, тэдгээрийн үйл ажиллагааны үр нөлөөтэй, хэвийн жигд ажиллагааны эрх зүйн таатай орчныг бүрдүүлэх;

2.4.4.Засгийн газрын хүний нөөцийн бодлого боловсруулах, төлөвлөлт хийх, удирдлагаар хангах, төрийн захиргааны байгууллагын чиг үүргийн шинжилгээ хийх, төрийн албан хаагч болон төрийн өмчит, төрийн болон орон нутгийн өмчийн оролцоотой хуулийн этгээдийн бүрэлдэхүүн хөдөлгөөн, тоо бүртгэл, гүйцэтгэлийн удирдлагын мэдээллийн нэгдсэн сан бүрдүүлэх, төрийн албан хаагчийг сургах, мэргэшүүлэх, шагнаж урамшуулах, зэрэг дэв олгох асуудлыг зохион байгуулах, Засгийн газрын дэргэдэх Ёс зүйн дэд хорооны үйл ажиллагааг хариуцах, төрийн албаны хүний нөөцийн судалгаа, шинжилгээ хийх, төрийн албаны хүний нөөцийн асуудлаарх хууль тогтоомжийн хэрэгжилтийг хангах, удирдлагыг мэдээлэл, зөвлөгөөгөөр хангах;

2.4.5.цахим засаглалыг хөгжүүлэх, төрийн үйлчилгээг цахимжуулах, дижитал шилжилт хийх үйл ажиллагаанд дэмжлэг үзүүлэх, мэргэжил, арга зүйн зөвлөгөөгөөр хангах, Засгийн газар, Хэрэг эрхлэх газрын цахим систем, цахим хуудас, сүлжээ, компьютер, техник, тоног төхөөрөмжийн байнгын ажиллагаа, Засгийн газрын хуралдааны цахим систем, танхимын сүлжээ, тоног төхөөрөмж, цахим хурлын бэлэн байдлыг хангах;

2.4.6.Хэрэг эрхлэх газрын хүний нөөцийн удирдлагыг хэрэгжүүлэх, үйл ажиллагааны төлөвлөгөөг боловсруулж батлуулах, хэрэгжилтэд хяналт тавьж, биелэлтийг нэгтгэн гаргаж дүгнэх, Хэрэг эрхлэх газрын албан хаагчдын ажиллах нөхцөл, эрүүл мэндийн үйлчилгээ, нийгмийн баталгаа, сургалтын асуудлыг хариуцах, Засгийн газрын шуурхай зохицуулалт, мэдээлэл, үйлчилгээг хариуцаж удирдлагыг зөвлөгөө, мэдээллээр хангах, бүх талын дэмжлэг үзүүлэх, Засгийн газрын хуралдааны бэлтгэлийг хангах, зохион байгуулах, шийдвэрийг албажуулах, Засгийн газрын хуралдааны явцыг баримтжуулах, Хэрэг эрхлэх газрын гадаад хамтын ажиллагааг хөгжүүлэх зорилтын хүрээнд ижил төрлийн болон холбогдох бусад байгууллагатай харилцах, уулзалт зохион байгуулах, арга хэмжээг баримтжуулах, удирдлагыг зөвлөгөө, мэдээллээр хангах;

2.4.7.хууль тогтоомж, Засгийн газрын шийдвэрийн биелэлт, гүйцэтгэлийг улсын хэмжээнд нэгтгэн тооцож, хяналт-шинжилгээ, үнэлгээ хийх, цаашид авах арга хэмжээний талаарх саналыг Засгийн газрын хуралдаанд хэлэлцүүлэх, төсвийн ерөнхийлөн захирагчийн эрхлэх асуудлын хүрээний байгууллага, төрийн өмчийн хуулийн этгээдийн санхүүгийн үйл ажиллагаанд хяналт шалгалт, дотоод аудит хийж, дүгнэлт, зөвлөмж гаргах, Засгийн газарт иргэд, байгууллагаас ирүүлсэн санал, гомдлыг хүлээн авах, шийдвэрлэлтэд хяналт тавих, эдгээр асуудлаар удирдлагыг мэдээлэл, зөвлөгөөгөөр хангах;

2.4.8.Ерөнхий сайд, Шадар сайд, Хэрэг эрхлэх газрын дарга болон төсвийн шууд захирагчид төсвийн хууль тогтоомжийг хэрэгжүүлэх нөхцөл, боломжийг бүрдүүлэх, санхүү, хөрөнгө оруулалт, худалдан авах ажиллагаа, дотоод үйлчилгээг хариуцах, дэмжлэг үзүүлэх;

2.4.9.Томоохон төсөл, хөтөлбөрийн үйл ажиллагааг Засгийн газрын бодлого, нийтлэг зорилттой уялдуулан зохицуулах, төрийн өмчийн бодлогыг хэрэгжүүлэх үйл ажиллагаа, төрийн болон орон нутгийн өмчит аж ахуйн нэгжийн үйл ажиллагааг нэгдсэн удирдлагаар хангах, төр, хувийн хэвшлийн түншлэлийн бодлогын хэрэгжилтэд хяналт тавих, нэгдсэн танилцуулга, мэдээлэл бэлтгэх, зөвшөөрлийн зөвлөлийн ажлын албаны чиг үүргийг хэрэгжүүлэх;

2.4.10.Монгол Улсын Ерөнхийлөгч, Улсын Их Хурлын дарга, Ерөнхий сайдын ёслол болон төрийн ёслолын үйл ажиллагааг эрхлэн явуулах;

2.4.11.Ерөнхий сайдад бодлогын зөвлөгөө өгөх, бүх талын үйлчилгээ, дэмжлэг үзүүлэх, Засгийн газрын бодлого, үйл ажиллагааны талаар олон нийтийг нээлттэй, шуурхай мэдээллээр тогтмол хангах, хэвлэл мэдээллийн байгууллагуудтай харилцах, Засгийн газрын бодлого, шийдвэрийг олон нийтэд таниулах контент боловсруулах, цахим орчинд мэдээллийг тогтмол хүргэх;

2.4.12.Шадар сайд (онцгой байдал, бүсчилсэн хөгжлийн асуудал эрхэлсэн)-д бодлогын зөвлөгөө өгөх, үйлчилгээ, дэмжлэг үзүүлэх;

2.4.13.Шадар сайд (гадаадын хөрөнгө оруулалт, худалдан авах ажиллагаа эрхэлсэн)-д бодлогын зөвлөгөө өгөх, үйлчилгээ, дэмжлэг үзүүлэх;

2.4.14.Монгол Улсын сайд, Засгийн газрын Хэрэг эрхлэх газрын даргад бодлогын зөвлөгөө өгөх, үйлчилгээ, дэмжлэг үзүүлэх.

Эх сурвалжийн дэлгэрэнгүй мэдээлэл: Засгийн газрын 2026 оны 04 дүгээр сарын 22-ны өдрийн 153 дугаар тогтоол

Захиргаа, зохион байгуулалтын газрын дарга П.Баттөр, 271 тоот өрөө 262291

Цахим шуудан: info@cabinet.gov.mn.

2.5.Үйл ажиллагааны гол зорилт

Хэрэг эрхлэх газрын үйл ажиллагааны стратегийн зорилт тус бүрийн хүрээнд тэдгээрийг хэрэгжүүлэхэд чиглэсэн үйл ажиллагааны доор дурдсан гол зорилтыг хэрэгжүүлнэ:

2.5.1.Үйл ажиллагааны стратегийн 1 дүгээр зорилтын хүрээнд:

2.5.1.1.эдийн засаг, гадаад харилцаа, төсөв, санхүү, банк, аж үйлдвэр, эрдэс баялаг, батлан хамгаалах, байгаль орчин, уур амьсгалын өөрчлөлт, боловсрол, эрүүл мэнд, гэр бүл, хөдөлмөр, нийгмийн хамгаалал, зам, тээвэр, соёл, спорт, аялал жуулчлал, залуучууд, барилга, хот байгуулалт, орон сууцжуулалт, хүнс, хөдөө аж ахуй, хөнгөн үйлдвэр, цахим хөгжил, инновац, харилцаа холбоо, эрчим хүч, гамшгаас хамгаалах, бүсчилсэн хөгжил, төрийн худалдан авах ажиллагаа, стандарт, хэмжил зүй, шударга өрсөлдөөн, хэрэглэгчийн эрх ашгийг хамгаалах, газрын харилцааны үйл ажиллагааны бодлого төлөвлөлт, удирдлага, зохицуулалтыг хангахад чиглэсэн зөвлөгөө, дэмжлэг үзүүлэх, хуралдаанаар хэлэлцэх асуудлыг зохих журмын дагуу хянан боловсруулан, Хэрэг эрхлэх газрын саналыг бэлтгэж, Засгийн газрын хуралдаанд оруулах, удирдлагыг зөвлөгөө, мэдээллээр хангах.

2.5.2.Үйл ажиллагааны стратегийн 2 дугаар зорилтын хүрээнд:

2.5.2.1.Засгийн газрын хуралдаанаар хэлэлцэх асуудлыг хянан зөвшөөрөл өгөх, Хэрэг эрхлэх газрын саналыг боловсруулах, Засгийн газрын болон Засгийн газрын Хэрэг эрхлэх газрын удирдлагын шийдвэрийг хууль тогтоомжид нийцүүлэн гаргахад зөвлөгөө, дэмжлэг үзүүлэх;

2.5.2.2.хууль зүй, дотоод хэргийн салбар, хууль сахиулах байгууллагын үйл ажиллагааны бодлого төлөвлөлт, удирдлага, зохицуулалтыг хангахад чиглэсэн зөвлөгөө, дэмжлэг үзүүлэх, хуралдаанаар хэлэлцэх асуудлыг зохих журмын дагуу боловсруулан бэлтгэх;

2.5.2.3.хууль тогтоомж, Засгийн газрын шийдвэрийн давхардал, хийдэл, зөрчлийг арилгах чиглэлээр дэмжлэг үзүүлэх, мэргэжил, арга зүйн удирдлагаар хангах, хууль тогтоомжийн төсөл, Засгийн газрын шийдвэрийн төсөл боловсруулах;

2.5.2.4.Засгийн газрын бодлогыг хэрэгжүүлэхэд эрх зүйн зөвлөгөө болон бусад дэмжлэг үзүүлэх;

2.5.2.5.удирдлагын шийдвэрийн дагуу Засгийн газар, Хэрэг эрхлэх газрыг шүүх, прокурорт төлөөлөх;

2.5.2.6.нийтийн албанд нийтийн болон хувийн ашиг сонирхлыг зохицуулах, авлига, ашиг сонирхлын зөрчлөөс урьдчилан сэргийлэх тухай хууль тогтоомжийг хэрэгжүүлэх үйл ажиллагааг зохион байгуулах, зөвлөгөө, дэмжлэг үзүүлэх;

2.5.2.7.Засгийн газрын хуралдаан, Хэрэг эрхлэх газарт төрийн болон албаны нууцын хадгалалт, хамгаалалтыг зохион байгуулах, хяналт тавих, албан хэрэг хөтлөлт, архивын үйл ажиллагааг эрхлэн явуулах, архив, нууц, албан хэрэг хөтлөлтийн талаар зөвлөгөө, дэмжлэг үзүүлэх, мэдээлэл, лавлагаагаар хангах;

2.5.2.8.төрийн байгууллага, албан тушаалтанд тамга хийлгэх, хэрэглэх зөвшөөрөл олгох, бүртгэх ажлыг холбогдох журмын дагуу хариуцан зохион байгуулах, хяналт тавих.

2.5.3.Үйл ажиллагааны стратегийн 3 дугаар зорилтын хүрээнд:

2.5.3.1.орон нутгийн хөгжлийн нэгдсэн бодлого, нутгийн захиргааны байгууллагын зохион байгуулалт, удирдлагыг боловсронгуй болгоход чиглэсэн хууль тогтоомж, бодлого боловсруулах, хэрэгжүүлэхэд зөвлөгөө, дэмжлэг үзүүлэх, нутгийн удирдлагын байгууллага, салбар хоорондын уялдаа зохицуулалтыг хангах;

2.5.3.2.нутгийн өөрөө удирдах байгууллагын үйл ажиллагааны үр нөлөө, үр ашгийг дээшлүүлэхэд чиглэсэн мэргэжил, арга зүйн зөвлөгөө, дэмжлэг үзүүлэх;

2.5.3.3.аймаг, нийслэлийн Засаг дарга, түүний Тамгын газрын үйл ажиллагааг удирдлага, зохицуулалтаар хангах, Засгийн газрын бодлого, шийдвэрийг хэрэгжүүлэх, орон нутгийн бие даасан байдлыг хангахад чиглэсэн зөвлөгөө, дэмжлэг үзүүлэх;

2.5.3.4.засаг захиргаа, нутаг дэвсгэрийн нэгжийн зохион байгуулалтыг боловсронгуй болгох чиглэлээр бодлого боловсруулах, хэрэгжүүлэхэд зөвлөгөө, дэмжлэг үзүүлэх.

2.5.4.Үйл ажиллагааны стратегийн 4 дүгээр зорилтын хүрээнд:

2.5.4.1.төрийн албаны хүний нөөцийн бодлогын баримт бичгийг боловсруулах, боловсронгуй болгох санал боловсруулах, хэрэгжүүлэх үйл ажиллагааны манлайллыг хангах, төрийн албаны хүний нөөцийн удирдлагыг хэрэгжүүлэх, төрийн албаны хууль тогтоомжийн хэрэгжилтэд хяналт тавих;

2.5.4.2.төрийн захиргааны байгууллагын чиг үүрэгт шинжилгээ хийж, оновчтой хуваарилах асуудлыг хариуцах, удирдлагыг зөвлөгөө, мэдээллээр хангах;

2.5.4.3.төрийн албан хаагчийн бүртгэл, мэдээллийн нэгдсэн санг боловсронгуй болгох, дүн шинжилгээ хийх, хүний нөөцийн удирдлагын шийдвэр гаргалтын үйл ажиллагаанд дэмжлэг үзүүлэх, төрийн болон орон нутгийн өмчит хуулийн этгээдийн хүний нөөцийн удирдлага, хяналтын нэгдсэн санг бүрдүүлэх, хөтлөх;

2.5.4.4.төрийн албан хаагчийг сургах, давтан сургах асуудлыг нэгдсэн удирдлагаар хангаж, төрийн албан хаагчийг шагнах, урамшуулах, зэрэг дэв олгох, асуудлыг хариуцан гүйцэтгэх, зохион байгуулах;

2.5.4.5.төрийн захиргааны төв, төрийн захиргааны байгууллага болон нутгийн захиргааны байгууллагын төрийн жинхэнэ албан хаагчийг шилжүүлэх, сэлгэн ажиллуулах хэрэгцээ, шаардлагыг тодорхойлох, төрийн албаны хүний нөөцийн менежментийн талаар судалгаа, дүн шинжилгээ хийж, удирдлагыг мэдээллээр хангах;

2.5.4.6.Засгийн газраас томилж, чөлөөлөх албан тушаалд нэр дэвшигч хуульд заасан шаардлага хангаж байгаа эсэхийг хянаж, шийдвэрлүүлэх асуудлыг хариуцан гүйцэтгэх;

2.5.4.7.Засгийн газрын дэргэдэх Ёс зүйн дэд хорооны үйл ажиллагааг хариуцах, төрийн албан хаагчийн ёс зүйн хэм хэмжээг боловсруулах, хэрэгжилтийг хангуулах.

2.5.5.Үйл ажиллагааны стратегийн 5 дугаар зорилтын хүрээнд:

2.5.5.1.Засгийн газрын үйл ажиллагаа, төрийн үйлчилгээнд харилцаа холбоо, мэдээллийн технологийн дэвшил нэвтрүүлэх, цахим засаглалыг хөгжүүлэх, бодлого, үйл ажиллагааг чиглүүлэн зохицуулах;

2.5.5.2.төрийн байгууллагуудын мэдээллийн системийн уялдаа холбоог хангах, төрийн байгууллагуудад мэргэжил, арга зүй, технологийн шийдэл, дундын зохицуулалтын бүх талын дэмжлэг үзүүлэх;

2.5.5.3.Хэрэг эрхлэх газрын мэдээллийн систем, түүний тоног төхөөрөмжийг боловсронгуй болгох, төрийн байгууллагуудын цахим хуудас хөгжүүлэх бодлого, төлөвлөгөө, төсөл боловсруулах, хэрэгжүүлэхэд мэргэжил, арга зүйн зөвлөгөө, дэмжлэг үзүүлэх;

2.5.5.4.тушаал, шийдвэр, үүрэг, даалгаврын биелэлт, албан хэрэг хөтлөлт, албан бичиг солилцооны цахим системийн нэгтгэл, түүний удирдлагыг хэрэгжүүлэх;

2.5.5.5.Засгийн газар, Хэрэг эрхлэх газрын дотоод мэдээллийн систем, цахим хуудас болон компьютерын дотоод сүлжээг өргөтгөх, хөгжүүлэх, тэдгээрийн шуурхай, найдвартай ажиллагааг хангах;

2.5.5.6.Засгийн газрын хуралдааны танхимын сүлжээ, техник тоног төхөөрөмж, программ хангамжийн бэлэн байдлыг хангах, хөгжүүлэх.

2.5.6.Үйл ажиллагааны стратегийн 6 дугаар зорилтын хүрээнд:

2.5.6.1.Хэрэг эрхлэх газрын хүний нөөцийн удирдлагыг хэрэгжүүлэх, үйл ажиллагааны төлөвлөгөөг боловсруулж батлуулах, хэрэгжилтэд хяналт тавьж, биелэлтийг нэгтгэн гаргаж дүгнэх;

2.5.6.2.Хэрэг эрхлэх газрын албан хаагчдын ажиллах нөхцөл, эрүүл мэндийн үйлчилгээ, нийгмийн баталгаа, сургалттай холбоотой асуудлыг хариуцах, Засгийн газрын шуурхай зохицуулалт, мэдээлэл, үйлчилгээг хариуцаж удирдлагыг зөвлөгөө, мэдээллээр хангах, бүх талын дэмжлэг үзүүлэх;

2.5.6.3.Хэрэг эрхлэх газар, түүний харьяа байгууллагуудын нийтлэг үйлчилгээний бодлогыг боловсруулж батлуулах, удирдлага, зохицуулалтаар хангах, Засгийн газрын шуурхай зохицуулалт, мэдээлэл, үйлчилгээг хариуцах, Засгийн газрын болон Хэрэг эрхлэх газрын тамга, тэмдгийг түших, удирдлагад зөвлөгөө, дэмжлэг үзүүлэх;

2.5.6.4.Засгийн газрын хуралдааны бэлтгэлийг хангах, зохион байгуулах, хуралдааны явцыг баримтжуулах, Засгийн газрын шийдвэр болон хуралдааны тэмдэглэлийг албажуулах, байгууллага, албан тушаалтанд хүргүүлэх үйл ажиллагааг эрхлэн гүйцэтгэх;

2.5.6.5.Хэрэг эрхлэх газрын гадаад хамтын ажиллагааг хөгжүүлэх ажлын хүрээнд ижил төрлийн болон холбогдох бусад байгууллагатай харилцах, уулзалт зохион байгуулах, арга хэмжээг баримтжуулах, удирдлагыг мэдээлэл, зөвлөгөөгөөр хангах.

2.5.7.Үйл ажиллагааны стратегийн 7 дугаар зорилтын хүрээнд:

2.5.7.1.хууль тогтоомж, Засгийн газрын шийдвэрийн биелэлтэд тавих хяналт шалгалтыг зохион байгуулах, дүгнэлт, зөвлөмж, бүх талын дэмжлэгээр хангах;

2.5.7.2.Засгийн газрын үйл ажиллагааны хөтөлбөр, төсөл, арга хэмжээний гүйцэтгэлд хяналт тавьж, хэрэгжилтийн явцад хяналт-шинжилгээ хийх, үр дүнд үнэлгээ өгөх, дүгнэлт, зөвлөмж гаргаж, мэргэшил, арга зүйн бүх талын дэмжлэг үзүүлэх, үр дүнг нэгтгэх;

2.5.7.3.Хэрэг эрхлэх газрын даргын төсвийн багцын байгууллага, төрийн өмчит хуулийн этгээдийн санхүүгийн үйл ажиллагаанд хяналт шалгалт хийж, дүгнэлт, зөвлөмж гаргах, удирдлагыг зөвлөгөө, мэдээллээр хангах;

2.5.7.4.яам, Засгийн газрын агентлаг, аймаг, нийслэлийн Засаг даргын Тамгын газрын үйл ажиллагаанд хяналт-шинжилгээ хийх, үр дүнг нэгтгэн үнэлж дүгнэх;

2.5.7.5.төсвийн ерөнхийлөн захирагчийн эрхлэх асуудлын хүрээний байгууллага, төрийн өмчийн хуулийн этгээдийн үйл ажиллагаанд дотоод аудит хийх, дүгнэлт, зөвлөмж гаргах, дэмжлэг үзүүлэх;

2.5.7.6.хууль тогтоомж, Засгийн газрын шийдвэр, Ерөнхийлөгчийн зарлиг, Үндэсний аюулгүй байдлын зөвлөлийн зөвлөмжийн хэрэгжилтийн Хэрэг эрхлэх газрын даргын эрхлэх асуудлын хүрээний тайлангийн нэгтгэлийг хариуцах.

2.5.8.Үйл ажиллагааны стратегийн 8 дугаар зорилтын хүрээнд:

2.5.8.1.холбогдох төсвийн ерөнхийлөн захирагчдын төсвийн төсөл, хөрөнгө оруулалтыг төлөвлөх, захиран зарцуулах, тайлагнах, хөндлөнгийн аудит хийлгэх, худалдан авах ажиллагаа, шилэн данс хөтлөх ажлыг хууль тогтоомжийн дагуу зохион байгуулах, зохицуулахад дэмжлэг үзүүлэх;

2.5.8.2.Хэрэг эрхлэх газрын эд хөрөнгийг хариуцан, дотоод үйлчилгээг гүйцэтгэх.

2.5.9.Үйл ажиллагааны стратегийн 9 дүгээр зорилтын хүрээнд:

2.5.9.1.томоохон төсөл, хөтөлбөрийг нэгдсэн удирдлагаар хангах, хамтрагч талуудын үйл ажиллагааг уялдуулан зохицуулах, төсөл, хөтөлбөрийг шуурхай хэрэгжүүлэх хууль, эрх зүй болон эдийн засгийн бодлогын хувилбарыг төлөвлөн боловсруулах, Хэрэг эрхлэх газрын удирдлагад зөвлөгөө, дэмжлэг үзүүлэх;

2.5.9.2.төрийн өмчийн бодлогыг хэрэгжүүлэх үйл ажиллагаанд хяналт тавих, төр, хувийн хэвшлийн түншлэлийн бодлогын хэрэгжилтийг уялдуулан зохицуулах, дэмжлэг үзүүлэх;

2.5.9.3.Зөвшөөрлийн зөвлөлийн ажлын албаны чиг үүргийг хэрэгжүүлэх.

2.5.10.Үйл ажиллагааны стратегийн 10 дугаар зорилтын хүрээнд:

2.5.10.1.Ерөнхийлөгч, Улсын Их Хурлын дарга, Ерөнхий сайдын ёслолын арга хэмжээг холбогдох журмын дагуу эрхлэн явуулах;

2.5.10.2.төрийн ёслолын үйл ажиллагаа болон нийтээр тэмдэглэх баяр, тэмдэглэлт өдрийг ёслон тэмдэглэх, төрийн дээд шагнал олгох, цол хүртээх, эмгэнэл, гашуудал илэрхийлэх арга хэмжээг холбогдох журмын дагуу эрхлэн явуулах.

2.5.11.Үйл ажиллагааны стратегийн 11 дүгээр зорилтын хүрээнд:

2.5.11.1.Ерөнхий сайдад бүрэн эрхээ хэрэгжүүлэхэд нь чиглэсэн судалгаа, дүн шинжилгээ бүхий мэдээлэл, бодлогын зөвлөгөө өгөх, дэмжлэг үзүүлэх;

2.5.11.2.Ерөнхий сайдын өдөр тутмын үйл ажиллагаанд дэмжлэг үзүүлэх;

2.5.11.3.Засгийн газрын бодлого, Засгийн газар, Ерөнхий сайдын үйл ажиллагааны талаар олон нийтийг нээлттэй, шуурхай мэдээллээр хангах ажлыг зохион байгуулах, хэвлэл мэдээллийн байгууллага, олон нийттэй харилцах;

2.5.11.4.Засгийн газар, Ерөнхий сайдтай холбоотой хэвлэлийн мэдээ, материалд шинжилгээ хийх, Ерөнхий сайд, Засгийн газрын гишүүдийг мэдээллээр хангах;

2.5.11.5.Улсын Их Хурлын чуулганы нэгдсэн хуралдаан болон бусад арга хэмжээнд Ерөнхий сайдын хэлэх үгийн төслийг бэлтгэх, Засгийн газрын бодлого, шийдвэрийг олон нийтэд тоймлон хүргэх нэвтрүүлэг, контент боловсруулах, цахим хуудасны байнгын ажиллагааг хангах;

2.5.11.6.“Иргэд, олон нийттэй харилцах 11-11 төв”-ийн үйл ажиллагааг удирдан зохион байгуулах, өргөдөл, гомдол, санал, хүсэлтийн шийдвэрлэлт, үр дүнг хууль тогтоомжийн дагуу нэгтгэн дүгнэх, тайлагнах;

2.5.11.7.иргэн, хуулийн этгээдээс Засгийн газар, Ерөнхий сайдад хандсан хүсэлт, шаардлага, гомдлыг хүлээн авах, хууль тогтоомжийн дагуу шийдвэрлэх, үр дүнг тайлагнах.

2.5.12.Үйл ажиллагааны стратегийн 12 дугаар зорилтын хүрээнд:

2.5.12.1.Шадар сайд (онцгой байдал, бүсчилсэн хөгжлийн асуудал эрхэлсэн)-д бүрэн эрхээ хэрэгжүүлэх, түүний эрхлэх асуудлын хүрээний агентлагийн бодлого, үйл ажиллагааг уялдуулан зохицуулахад чиглэсэн зөвлөгөө өгөх, дэмжлэг үзүүлэх;

2.5.12.2.Шадар сайдын өдөр тутмын үйл ажиллагаанд дэмжлэг үзүүлэх.

2.5.13.Үйл ажиллагааны стратегийн 13 дугаар зорилтын хүрээнд:

2.5.13.1.Шадар сайд (гадаад хөрөнгө оруулалт, худалдан авах ажиллагаа эрхэлсэн)-д бүрэн эрхээ хэрэгжүүлэх, түүний эрхлэх асуудлын хүрээний агентлагийн бодлого, үйл ажиллагааг уялдуулан зохицуулахад чиглэсэн зөвлөгөө өгөх, дэмжлэг үзүүлэх;

2.5.13.2.Шадар сайдын өдөр тутмын үйл ажиллагаанд дэмжлэг үзүүлэх.

2.5.14.Үйл ажиллагааны стратегийн 14 дүгээр зорилтын хүрээнд:

2.5.14.1.Монгол Улсын сайд, Засгийн газрын Хэрэг эрхлэх газрын даргад бүрэн эрхээ хэрэгжүүлэх, түүний эрхлэх асуудлын хүрээний бодлого, үйл ажиллагааг уялдуулан зохицуулахад чиглэсэн зөвлөгөө өгөх, дэмжлэг үзүүлэх;

2.5.14.2.Монгол Улсын сайд, Засгийн газрын Хэрэг эрхлэх газрын даргын өдөр тутмын үйл ажиллагаанд дэмжлэг үзүүлэх.

/Эх сурвалжийн дэлгэрэнгүй мэдээлэл: Засгийн газрын 2026 оны 04 дүгээр сарын 22-ны өдрийн 153 дугаар тогтоол

Захиргаа, зохион байгуулалтын газрын дарга П.Баттөр, 271 тоот өрөө 262291

Цахим шуудан: info@cabinet.gov.mn.

2.6. Үйл ажиллагааны зорилт

Хэрэг эрхлэх газрын үйл ажиллагааны гол зорилтын хүрээнд түүнийг хэрэгжүүлэхэд чиглэсэн үйл ажиллагааны зорилтуудыг тодорхойлж, тус газрын зохион байгуулалтын бүтцийн нэгжүүдийн үйл ажиллагааны стратеги, албан хаагчдын албан тушаалын тодорхойлолтод тусган хэрэгжүүлнэ.

Эх сурвалжийн дэлгэрэнгүй мэдээлэл: Засгийн газрын 2026 оны 04 дүгээр сарын 22-ны өдрийн 153 дугаар тогтоол Захиргаа, зохион байгуулалтын газрын дарга П.Баттөр, 271 тоот өрөө 262291

Цахим шуудан: info@cabinet.gov.mn.

2.7. Үйл ажиллагааны стратегийн загварыг Засгийн газрын 2026 оны 04 дүгээр сарын 22-ны өдрийн 153 дугаар тогтоолын хавсралтаас дэлгэрэнгүй үзнэ үү.

Захиргаа, зохион байгуулалтын газрын дарга П.Баттөр, 271 тоот өрөө 262291

Цахим шуудан: info@cabinet.gov.mn.

Байгууллагын бүтэц

Засгийн газрын 2026 оны 04 дүгээр сарын 22-ны өдрийн 153 дугаар тогтоолоор Засгийн газрын Хэрэг эрхлэх газрын орон тооны дээд хязгаарыг 254 байхаар тогтоосон.

Эх сурвалжийн дэлгэрэнгүй мэдээлэл: Захиргаа, зохион байгуулалтын газрын дарга П.Баттөр,

271 тоот өрөө 262291, Цахим шуудан: info@cabinet.gov.mn.

Түүхэн замнал

Засгийн газрын Хэрэг эрхлэх газрын тvvхэн замналыг Ардын хувьсгалын тvvхтэй уялдуулан авч vзвэл анх 1921 онд Засгийн газрын нарийн бичгийн дарга нэртэйгээр байгуулагдсанаас хойш Засгийн газрын нарийн бичгийн дарга, эрхэлсэн тvшмэл, ерөнхий хэлтэс, Засгийн газрын хэргийг эрхлэх газар, хэрэг шийтгэх хэлтэс, Сайд нарын Зөвлөлийн нарийн бичгийн дарга бөгөөд захиран тушаах явдлыг биелvvлэх Хэрэг эрхлэх газар, Сайд нарын Зөвлөлийн Хэрэг эрхлэх газар, Засгийн газрын Тамгын газар, Засгийн газрын Хэрэг эрхлэх газар гэж нэрлэгдэж ирсэн байна. Vvнийг зарим тvvхэн чухал огноогоор нь тодруулбал:

1921.03.24
Засгийн газрын нарийн бичгийн дарга
1922
Засгийн газрын хурлын дэргэд Засгийн газрын Хэрэг эрхлэх газар /Засгийн газрын тvр зуурын дvрмийн 29 дvгээр зvйл/
1931.12.27
Засгийн газрын нарийн бичгийн дарга бөгөөд Засгийн газрын хэргийг эрхлэх газар
1933.01.13
Сайд нарын Зөвлөлийн нарийн бичгийн дарга бөгөөд захирах тушаах явдлыг биелvvлэх Хэрэг эрхлэх газар
1939.04.24
Сайд нарын Зөвлөлийн Хэрэг эрхлэх газар
1990
Сайд нарын Зөвлөлийн Хэрэг эрхлэх газар
1992.07.30
Засгийн газрын Тамгын газар
1993.05.28
Засгийн газрын Хэрэг эрхлэх газар

Засгийн газрын Хэрэг эрхлэх газрын даргын албан тушаал нь тус газар байгуулагдсан цагаас хойш өнөөг хvртэл нэрийн хувьд төдийгvй, зэрэг зиндааны хувьд байнга өөрчлөгдөж ирснийг товчлон vзvvлбэл:

1921
Засгийн газрын нарийн бичгийн дарга /эрхэлсэн тvшмэл/
1922
Засгийн газрын нарийн бичгийн дарга бөгөөд Ерөнхий хэлтсийн дарга,Эрхэлсэн тvшмэл бөгөөд Засгийн газрын нарийн бичгийн дарга
1923
Засгийн газрын хэргийг эрхэлсэн тvшмэл
1924
Засгийн газрын хэргийг эрхлэх нарийн бичгийн дарга бөгөөд эрхэлсэн тvшмэл
1927
Нарийн бичгийн дарга бөгөөд эрхэлсэн тvшмэл
1931
Засгийн газрын ба Эдийн засгийн зөвлөлийн нарийн бичгийн дарга бөгөөд Засгийн газрын Хэрэг эрхлэх газрын эрхлэгч
1932
Сайд нарын Зөвлөлийн нарийн бичгийн дарга бөгөөд захирах тушаах явдлыг биелvvлэх хэрэг эрхлэх газрын дарга
1939
Сайд нарын Зөвлөлийн Хэрэг эрхлэх газрын дарга /Сайд нарын Зөвлөлийн гишvvн/
1992
Засгийн газрын Тамгын газрын дарга
1993
Засгийн газрын Хэрэг эрхлэх газрын дарга

Засгийн газрын Хэрэг эрхлэх газрын даргаар 30 хvн ажиллаж ирсний дотроос Балдангийн Бадарч 33 жил, Гомбын Бат-Очир 5 жил, Зундуйн Саарал 5 жил ажилласан нь уг албан тушаалыг хамгийн олон жил хашсанд орж байна.

Эрх зүйн байдал

Засгийн газрын тухай хуулийн 18¹дvгээр зvйлд “Засгийн газрын Хэрэг эрхлэх газар нь Засгийн газрын ажлын алба мөн“, “Хэрэг эрхлэх газрыг Засгийн газрын гишvvн тэргvvлнэ“, “Хэрэг эрхлэх газрын дарга Ерөнхий сайдын өмнө ажлаа хариуцна” гэж хуульчилсны дээр мөн хуулийн 33 дугаар зvйлд “Засгийн газрын Хэрэг эрхлэх газрын эрхлэх ажил“-ыг дор дурдсанаар тодорхойлж өгсөн юм. Хэрэг эрхлэх газар нь нэгдvгээрт, Засгийн газрын шийдвэр боловсруулах, хэрэгжvvлэх, хоёрдугаарт, төрийн захиргааны төв болон нутгийн захиргааны байгууллагын харилцан ажиллагааг зохицуулахад туслах, гуравдугаарт, хvний нөөцийн удирдлага, дөрөвдvгээрт, нийтлэг vйлчилгээний удирдлагаар хангах асуудлыг эрхлэн гvйцэтгvvлэхээр тогтоосон юм.

Засгийн газрын Хэрэг эрхлэх газар нь Ерөнхий сайд, Засгийн газрын Танхимын тэргvvлэн манлайлах чиг vvргийг дэмжих байгууллага мөн

Улсын Их Хурлын 1996 оны 38 дугаар тогтоолын дагуу Засгийн газрын Хэрэг эрхлэх газар нь Ерөнхий сайд, Засгийн газрын Танхимын тэргvvлэн манлайлах чиг vvргийг дэмжих байгууллага мөн бөгөөд “vндэсний хэмжээнд тэргvvлэн манлайлах, стратегийн удирдамжаар хангах” ерөнхий чиг vvргээ хэрэгжvvлэхэд нь дор дурдсан vйл ажиллагааны хvрээнд дэмжин туслах юм:

Тэргvvлэн манлайлах чиг vvргийн тухайд:

Бодлогын vндсэн чиглэлийг тогтоох
Бодлогыг хэрэгжvvлэх ажлыг зохион байгуулах
Тайлагнах
Нөөцийн удирдлагаар хангах
Гvйцэтгэх удирдлагаар хангах

Ерөнхий сайд, Засгийн газрын Танхимын тэргvvлэн манлайлах чиг vvргийг дэмжих тухайд:

Төрийн захиргааны байгууллагыг мэргэжлийн удирдлага, зохицуулалтаар хангах
Шинэтгэлийг санаачилж, тvгээн дэлгэрvvлэх ажлыг эхэлж байх
Тогтвортой мэргэшингvй vйл ажиллагаагаараа төрийн захиргааны нийт байгууллагын vйл ажиллагааг дэмжих

Засгийн газрын Хэрэг эрхлэх газар нь удирдлагын ерөнхий чиг vvргийн байгууллага мөн

Улсын Их Хурлын 1996 оны 38 дугаар тогтоолын дагуу Засгийн газрын Хэрэг эрхлэх газар нь Засгийн газрын удирдлагын ерөнхий чиг vvргийн байгууллага мөн бөгөөд “Нэгдсэн бодлого ба төлөвлөлт“-ийн ерөнхий чиг vvрэг хэрэгжvvлэхдээ “Vндэсний хөгжлийн төлөвлөлт, макро эдийн засгийн шинжилгээ, санхvv, боловсон хvчин, гvйцэтгэх удирдлагыг дэмжих зэрэг асуудлаар чиглэлийн яамдын vйл ажиллагаанд туслалцаа vзvvлэх” vйл ажиллагааны хvрээнд “Стратегийн төлөвлөлт, бодлогын удирдамжаар хангах, хөтөлбөр зохиох, зохицуулах, мониторингийн хяналт тавих, vнэлж дvгнэх чиг vvргийг хэрэгжvvлэх” юм.Хэрэг эрхлэх газар нь Засгийн газрын удирдлагын ерөнхий чиг үүргийн байгууллага мөн бөгөөд Засгийн газрын удирдлагын зөвлөх, шинэчлэлийн бодлогын хөтөчийн үүрэг, хариуцлагыг хүлээнэ.

Хэрэг эрхлэх газар нь Засгийн газрын үйл ажиллагааны стратегийн удирдлага, төлөвлөлт, зохицуулалт, хууль тогтоомж, бодлого, төсвийн тэнцвэр, харилцан уялдаа холбоог хангах асуудалд Засгийн газрын түвшинд өргөн хүрээтэй хандаж, зөв зохистой удирдахад анхаарлаа төвлөрүүлнэ.

Хэрэг эрхлэх газрын үндсэн үйлчлүүлэгч нь Монгол Улсын Ерөнхий сайд, Монгол Улсын сайд, Засгийн газрын Хэрэг эрхлэх газрын дарга, Засгийн газрын гишүүд байна. Стратегийн удирдлага, зохицуулалт нь дээр дурдсан хэрэгцээний эх үүсвэр, үндсэн үйлчлүүлэгч буюу хэрэглэгчийн эрэлт хэрэгцээг хангахтай холбогдон үүсэх харилцааг хууль тогтоомжийн хүрээнд зохицуулахад чиглэнэ.

Хэрэг эрхлэх газрын стратегийн удирдлага, зохицуулалтыг хангах үйлчилгээний хүрээ, төрөл, хэлбэрийг хэрэгцээний эх үүсвэр тус бүрээр тогтоон, тус газрын зохион байгуулалтын бүтцийн нэгжүүдийн үйл ажиллагааны стратеги, төрийн албан хаагчдын ажлын байр (албан тушаал)-ны тодорхойлолтод нарийвчлан тусгаж хэрэгжүүлнэ.

Эх сурвалжийн дэлгэрэнгүй мэдээллийг Захиргаа, зохион байгуулалтын газрын дарга П.Баттөр, 271 тоот өрөө 262291

Цахим шуудан: info@cabinet.gov.mn.

Холбоо барих

Монгол Улсын Засгийн газрын Хэрэг эрхлэх газар Төрийн Ордон, Сүхбаатар дүүрэг, 6-р хороо, 14201, Их жанжин Д.Сүхбаатарын нэрэмжит талбай
Утас: (976-51) 260817, (976-51) 262408
info@cabinet.gov.mn

Даргын мэндчилгээ

Зорилго, зорилт

Байгууллагын бүтэц

Түүхэн замнал

1921.03.24

1922

1931.12.27

1933.01.13

1939.04.24

1990

1992.07.30

1993.05.28

1921

1922

1923

1924

1927

1931

1932

1939

1992

1993

Эрх зүйн байдал

Холбоо барих

Байршил

Хэрэглэгч