ЭРХ ЗҮЙН БАЙДАЛ
Мэдээллийн технологийн асуудал хариуцсан зохион байгуулалтын бүтцийн нэгж, түүний үндсэн үүрэг, чиг үүрэг:
Энэ нэгж нь үйл ажиллагааны стратегийн 10 дугаар зорилтын хүрээнд төрийн цахим үйлчилгээг шуурхай, хариуцлагатай, хүртээмжтэй хүргэх нөхцөлийг бүрдүүлэх “Цахим үндэстэн” арга хэмжээг нэгдсэн бодлого төлөвлөлт, мэргэжил, арга зүй, технологийн шийдэл, удирдлагаар хангах, төрийн байгууллагуудын мэдээллийн системийн уялдаа холбоо, нэгдмэл байдлыг хангах арга хэмжээ авах, төрийн мэдээллийн нэгдсэн системийг хөгжүүлэх ажлыг мэргэжил, арга зүйн удирдлагаар хангах үндсэн үүрэг хүлээж, энэ хүрээнд харилцаа холбоо, мэдээллийн технологийн салбарын бодлого төлөвлөлт, удирдлага зохицуулалтыг хангахад чиглэсэн зөвлөгөө, дэмжлэг үзүүлэх, хуралдаанаар хэлэлцэх асуудлыг зохих журмын дагуу боловсруулан бэлтгэх, төрийн үйлчилгээний цахим шилжилт, төрийн байгууллагуудын мэдээллийн системийн уялдаа холбоо, нэгдмэл байдлыг хангах ажлыг удирдан зохион байгуулах, хэрэгжилтийг хангуулах, үр дүнг холбогдох журмын дагуу нэгтгэн дүгнэх, тайлагнах, төрийн мэдээллийн системийг боловсронгуй болгох, холбогдох төрийн байгууллагуудын цахим хуудас хөгжүүлэх бодлого, төлөвлөгөө, төсөл боловсруулах, хэрэгжүүлэхэд мэргэжил, арга зүйн зөвлөгөө, дэмжлэг үзүүлэх, тушаал, шийдвэр, үүрэг даалгаврын биелэлт, албан хэрэг хөтлөлт, албан бичиг солилцоо, өргөдөл, гомдлын цахим системийг боловсруулах, нэвтрүүлэх, Засгийн газар, Хэрэг эрхлэх газрын дотоод мэдээллийн систем, цахим хуудас болон компьютерын дотоод сүлжээг өргөтгөх, хөгжүүлэх, тэдгээрийн шуурхай, найдвартай ажиллагааг хангах чиг үүргийг хэрэгжүүлнэ.
Энэ нэгжийн үйл ажиллагаа нь Ерөнхий сайд, Засгийн газрын танхимын үйл ажиллагааны үр нөлөө, үр ашгийг дээшлүүлэхэд чиглэнэ. Энэ нь Ерөнхий сайд, Хэрэг эрхлэх газрын даргад Засгийн газрын үйл ажиллагааг цахим хэлбэрээр явуулах, төрийн мэдээллийн систем, цахим хуудас, дотоод мэдээллийн системийн найдвартай ажиллагааг хангах чиглэлээр шаардлагатай мэдээлэл, мэргэжлийн, цаг үеэ олсон, шуурхай зөвлөгөө, үйлчилгээгээр хангах замаар хэрэгжинэ.
Энэ нэгжээс үзүүлэх үйлчилгээний үндсэн хэрэглэгч нь Хэрэг эрхлэх газрын дарга, Тэргүүн дэд дарга, дэд дарга байх бөгөөд шууд бус хэрэглэгч нь яам, аймаг, нийслэлийн Засаг даргын Тамгын газар, аж ахуйн нэгж, хэвлэл мэдээллийн болон төрийн бус байгууллага, иргэн байна. Энэ үйлчилгээг үзүүлэхэд оролцох гол түнш нь Харилцаа холбоо, мэдээллийн технологийн газар, яам, агентлагийн мэдээллийн технологийн асуудал хариуцсан нэгж, Төр, засгийн үйлчилгээг эрхлэх газар байна.
АЛБАН ХААГЧИД
| № | Албан хаагчийн нэр | Албан тушаал | Имэйл | Утас |
|---|---|---|---|---|
| 1. | Ж. Тамир | Дарга | tamir@cabinet.gov.mn | 260809 |
| 2. | Ч. Энхзаяа | Засгийн газрын референт | enkhzaya@cabinet.gov.mn | 266854 |
| 3. | Б. Баасандорж | Шинжээч | baasandorj@cabinet.gov.mn | 263403 |
| 4. | Б. Мөнхзул | Шинжээч | munkhzul@cabinet.gov.mn | 260124 |
| 5. | М. Өлзийбаатар | Ажилтан | ulziibaatar@cabinet.gov.mn | 260124 |
| 6. | Г.Ган-Очир | Ажилтан | gan-ochir@cabinet.gov.mn | 260124 |
This post is also available in: English