Энэ нэгж нь Засгийн газрын үйл ажиллагааны хөтөлбөр, тэргүүлэх чиглэлийн хэрэгжилтэд мониторинг хийх, үр дүнд үнэлгээ өгөх, хууль тогтоомж, Ерөнхийлөгчийн зарлиг, Засгийн газрын шийдвэрийн биелэлтийг төрийн захиргааны болон нутгийн захиргааны байгууллагад хянан, шалгах ажлыг зохион байгуулах үндсэн үүрэг хүлээнэ.

Үр дүнд суурилсан хяналт-шинжилгээ, үнэлгээ

Яам болон аймаг, нийслэлийн Засаг дарга, Засаг даргын Тамгын газрын үйл ажиллагаанд хяналт шинжилгээ хийх, үр дүнд үнэлгээ өгөх журмыг Засгийн газрын 2010 оны 1 сарын 13-ны өдрийн хуралдаанаар хэлэлцэн баталлаа.

Засгийн газрын Хэрэг эрхлэх газар танхимыг мэдээллээр хангах үндсэн үүргийнхээ дагуу Засгийн газрын үйл ажиллагааны сар бүрийн мэдээллийг Засгийн газрын хуралдаанд танилцуулж ирсэн бөгөөд энэ удаа 2009 оны эхний хагас жилийн мэдээллийг гарган танилцуулж байна.

Засгийн газрын Хэрэг эрхлэх газар 2009 оны 4 дүгээр сард бүх яамдын хяналт-шинжилгээ, үнэлгээний газрын дарга нар, ажилтнуудыг хамруулсан сургалтыг “Төрийн захиргааны байгууллагын хяналт-шинжилгээ, үнэлгээний арга зүй” сэдвийн дор зохион байгуулж, сургалтын үеэр гарсан саналыг хэрэгжүүлэх төлөвлөгөө боловсруулан ажиллаж байна. Засгийн газрын Хэрэг эрхлэх газар, Хууль зүй, дотоод хэргийн яам, Гэмт хэргээс урьдчилан сэргийлэх ажлыг зохицуулах зөвлөл хамтран аймаг, сумдын ИТХ-ын дарга, Засаг дарга нарын бүсчилсэн сургалтыг 2009 оны 6 дугаар сарын 3-аас 19-ны өдрүүдэд зохион байгуулав.

Монгол Улсын Засгийн газраас Хууль зүй дотоод хэргийн яам, Гэмт хэргээс урьдчилан сэргийлэх ажлыг зохицуулах зөвлөл, Дэлхийн банкны “Захиргааны шийдвэрийн стандартчилал” төсөл, НҮБ-ын Хөгжлийн хөтөлбөрийн “Хууль зүйн үйлчилгээний хүртээмж ба хүний эрх” төслийнхөнтэй хамтран Монгол Улсын бүх аймаг, сум, дүүргийн Иргэдийн төлөөлөгчдийн хурлын дарга, Засаг дарга нарт зориулан 6 дугаар сарын 03-наас 19 –ны өдрүүдэд сургалт зохион байгуулж байна.