Бодлого зохицуулалтын нэгж, түүний үндсэн үүрэг
Энэ нэгж нь үндэсний аюулгүй байдал (батлан хамгаалах, тагнуул, онцгой байдал), хүн амын эрүүл мэнд, боловсрол, иргэний нийгэм, байгаль орчин, гадаад харилцаа, эдийн засаг, санхүү, соёл, урлагийн асуудлаар Засгийн газраас баримтлах бодлогыг тодорхойлох, стратегийн шийдвэр гаргахад Ерөнхий сайдыг өндөр мэргэшлийн, цаг үеэ олсон, шуурхай зөвлөгөө, бүх талын дэмжлэгээр хангах үндсэн үүрэг хүлээнэ.
Түүнчлэн энэ нэгж нь Засгийн газрын үйл ажиллагааны тэргүүлэх чиглэл, хөтөлбөрийг хэрэгжүүлэхэд яам, Засгийн газрын агентлагийн үйл ажиллагааг төвлөрүүлэх, бодлогын удирдамж, төрийн захиргааны нэгдсэн удирдлагаар хангах, хэрэгжилтийг зохицуулах болон яам, Засгийн газрын агентлаг, холбогдох бусад байгууллагаас Засгийн газарт хуралдаанд оруулах асуудлыг Засгийн газрын бодлого, тэргүүлэх чиглэлтэй уялдуулах талаар зөвлөгөө, дэмжлэг үзүүлнэ.
|
