Цаг үе, үйл явдал

ЕРӨНХИЙ САЙД Ч.САЙХАНБИЛЭГ АЙМГИЙН УДИРДЛАГУУДТАЙ ЦАХИМ ХУРАЛ ХИЙЛЭЭ

2014-11-26

Сар бүр зохион байгуулдаг аймгийн удирдлагуудтай хийдэг цахим хуралд Монгол Улсын Ерөнхий сайд Ч.Сайханбилэг оролцлоо. Ургац хураалт амжилттай дууслаа. Урьдчилсан байдлаар 491 мянган тн үр тариа хураан авсан нь өмнөх жилүүдэд гараагүй амжилт боллоо. Хөвсгөл, Увс, Ховдын дулааны станцууд өнгөрсөн сард ашиглалтад орж үйл ажиллагаа нь жигдэрч хэрэглэгчдийг дулаанаар хангаж эхлээд байна. Улсын төсвийн хөрөнгө оруулалтаар Баянхонгор аймгийн Шинэжинст, Баян-Өндөр, Баянцагаан сумдад цахилгаан дамжуулах агаарын шугам, дэд станцуудын ажил дууссан, удахгүй цахилгаан эрчим хүчинд холбогдоно.

МОНГОЛ УЛСЫН 28 ДАХЬ ЕРӨНХИЙ САЙДААР Ч.САЙХАНБИЛЭГ ТОМИЛОГДЛОО

2014-11-21

Монгол Улсын Ерөнхийлөгч Ц.Элбэгдорж шинээр томилогдсон Монгол Улсын 28 дахь Ерөнхий сайд Ч.Сайханбилэгт Засгийн газрын тамгыг Төрийн ордны Ёслол хүндэтгэлийн гэр өргөөнд гардууллаа. Ерөнхийлөгч Ц.Элбэгдорж шинээр томилогдсон Ерөнхий сайд Ч.Сайханбилэгт ажлын амжилт хүсч, улс орныхоо эрх ашгийн төлөө хариуцлагатай, ёс зүйтэй, шуурхай, нээлттэйгээр хуулийг хэрэгжүүлэн ажиллаж чадна гэдэгт итгэж байгаагаа илэрхийллээ.

"БАГ-ИРГЭНИЙ ЗАСАГ ЗАХИРГАА" ХЭЛЭЛЦҮҮЛЭГ БАЯНХОНГОР АЙМАГТ БОЛЛОО.

2014-05-27

Баянхонгор аймаг 20 сум, 104 багтай. Баянлиг сумын Багабаян баг гэхэд 193 өрхтэй ч тэд нь 100-1000 км хол нутагладаг учраас төрийн үйлчилгээ хүргэхэд ихээхэн хүнд болсныг тус багийн Засаг дарга Б.Хүрэл-Эрдэнэ учирлалаа. Говийн айлуудын хувьд төрийн хамгийн ойр цэг нь багийн төв. Засаг дарга нь багийн төв дээрээ байнга байх хэрэгтэй болдог ч эзгүй суурин сахисан бидэнд ажлын нөхцөл хүнд байна. Иймд багийн төвийг явуулын, нүүдлийн маягтай байлгаж болох юм гэх мэт асуудлыг багийн Засаг дарга нар ЗГХЭГ-аас Баянхонгор аймагт зохион байгуулсан “Баг-иргэний засаг захиргаа” хэлэлцүүлгийн үеэр төрийн түшээдэд уламжиллаа.

БҮТЭЭН БАЙГУУЛАЛТЫН ЦАГ

2014-02-17

“Бүтээн байгуулалтын цаг”-аар өнөөдөр Хөдөлмөрийн яамнаас 2013 оны гол үр дүн, энэ оны зорилтоо танилцууллаа. Шинэчлэлийн Засгийн газраас хөдөлмөрийн салбарт тавьсан гол зорилт бол дөрвөн жилийн хугацаанд 150 мянган ажлын байр шинээр бий болгох. Энэ зорилтыг биелүүлэхээр “Ажилтай, орлоготой Монгол хүн” үндэсний хөтөлбөрийг Хөдөлмөрийн яам хариуцан хэрэгжүүлж байгаа юм.

ЕРӨНХИЙ САЙДЫН 30 МИНУТ

2014-02-06

Ерөнхий сайд уулзалтын эхэнд нийслэлийн Хан-Уул дүүргийн 9 дүгээр хороонд шинээр баригдсан “Буянт-Ухаа-1” хорооллын барилгуудыг хэрхэн хувиарлах талаар товч танилцууллаа. Тус хороололд 1764 айлын 32-68 ам метр талбай бүхий 28 барилга, автомашины дулаан зогсоол, хүүхдийн тоглоомын талбай, цэцэрлэг үйлчилгээний төв баригдаж ирэх тавдугаар сард бүрэн ашиглалтад орно. Хорооллын эхний ээлжийн 567 айлын орон сууцыг 9 сарын хугацаанд барьж, өнгөрсөн нэгдүгээр сард ашиглалтад хүлээн авсан юм. Энэ орон сууцны байрын 1 ам метр талбайг 1 280 000 төгрөгөөр худалдана. Нийт орон сууцны 60 хувийг төрд ажиллаж байгаа төрийн албан хаагчдад, 40 хувийг ахмад настан, хөгжлийн бэрхшээлтэй иргэд, залуу гэр бүлүүдэд хувиарлана.

ДЭД АНГИЛАЛ

Файлын сан бүх файлыг харах

Уулзалтын мэдэгдэх хуудас
2019-04-15

Хаяг

Монгол Улсын Засгийн газрын Хэрэг эрхлэх газар Төрийн Ордон, Сүхбаатар дүүрэг, 6-р хороо, 14201, Их жанжин Д.Сүхбаатарын нэрэмжит талбай

Бичиг хэрэг

Утас: (976-51) 260817, 262408
Факс: (976-11) 310011

Хэвлэл мэдээлэл, олон нийттэй харилцах хэлтэс

Утас: (976-11) 260311

Мэдээллийн технологийн хэлтэс

Утас: (976-11) 260124

Монгол Улсын Засгийн газрын Хэрэг Эрхлэх Газар © 2019 он.

Хөгжүүлсэн: Идеа Дэвэлопмент ХХК